Ақтауда тұрғын үйдің жертөлесінде газ баллон жарылып, бес адам жараланды

28 қазан күні таңертең Ақтаудағы "Әсия" тұрғын үй кешенінің жертөлесінде газ баллоны жарылды. Бұл туралы Маңғыстау облысы төтенше жағдайлар департаменті хабарлады.

Оқиға таңғы сағат 09:03 шамасында болған. Оқиға орнына 11 құтқарушы мен төрт техника жұмылдырылды.

Жарылыстан бес адам зардап шеккен, олардың екеуі — 2010 және 2015 жылы туған балалар. Қазір жараланғандар ауруханаға жеткізілді. Олардың жағдайы туралы нақты ақпарат әзірге жарияланған жоқ.

Посмотреть эту публикацию в Instagram

Публикация от Цензура Актау (@cenzura_aktau)