+7…+12°
+6…+15°
Мемлекет басшысы Қасым-Жомарт Тоқаев "Қазатомөнеркәсіп" басқарма төрағасы Мейіржан Юсуповты қабылдады. Кездесуде уранның мемлекеттік стратегиялық қорын құру, геологиялық барлау және халықаралық келісімшарттар мәселелері талқыланды, деп хабарлайды Ақорда.
Ақорданың хабарлауынша, президентке уранның мемлекеттік стратегиялық қорын құру бағытында атқарылып жатқан жұмыстар туралы мәлімет берілді.
Қазір компания жалпы ауданы 1 мың шаршы шақырымнан асатын алты учаскеде геологиялық барлау жүргізіп жатыр. Бұған қоса ауданы 124 шаршы шақырым болатын перспективті Қызылту учаскесін барлау жоспарланған.
Кездесуде биыл атом саласында Үндістан мен Қытайдың ірі энергетикалық компанияларымен табиғи уран жеткізу жөнінде жаңа келісімшарттар жасалғаны айтылды. Сонымен қатар «Қазатомөнеркәсіп» уран өндіру тиімділігін арттыруға, сирек және сирек кездесетін ілеспе металдарды алу технологиясын жетілдіруге бағытталған ғылыми зерттеулер жүргізіп жатыр.
Кездесу соңында Қасым-Жомарт Тоқаев ресурстық базаны одан әрі дамыту, халықаралық ынтымақтастықты кеңейту және әлеуметтік бастамаларды іске асыру жөнінде бірқатар тапсырма берді.