2025 жылғы қарашада әлем бойынша әуе жүк тасымалы 5,5 пайызға өсті

Халықаралық әуе көлігі қауымдастығы (IATA) 2025 жылдың қараша айына арналған жаһандық әуе жүк тасымалы нарығына қатысты деректерді жариялады. Оған сәйкес:

• Жалпы сұраныс жүк тонна-километрмен (CTK) өлшенгенде 2024 жылдың қарашасымен салыстырғанда 5,5%-ға өсті (+6,9% – халықаралық операциялар бойынша).
• Қуаттылық қолжетімді жүк тонна-километрмен (ACTK) өлшенгенде 2024 жылдың қарашасымен салыстырғанда 4,7%-ға артты (+6,5% – халықаралық операциялар бойынша). 

"Әуе жүк тасымалының сұранысы 2025 жылдың қарашасында жылдық есеппен 5,5%-ға өсті. Бұл жылдың соңындағы мерекелік маусым қарсаңында жүктердің уақытылы жеткізілуіне басымдық берумен байланысты. Тартымды нарықтардағы күшті сұраныс және Таяу Шығыстағы таңдамалы өсім АҚШ-тың жаңа тарифтік режиміне бейімделу аясындағы Америка құрлығындағы баяулауды толық жаба алды. Жалпы алғанда, төртінші тоқсан стратегиялық қайта бағдарланған сауда ағындарының әсерімен төзімді өтті. 2025 жылдың сәтті аяқталуы жүк тасымалы индустриясының жаңа жылға жақсы үмітпен кіруіне жағдай жасап отыр", – деді IATA бас директоры Уилли Уолш.

IATA операциялық ортадағы бірнеше факторларға назар аударуа шақырды:

• Жаһандық тауар айналымы қазан айында жылдық есеппен 3,2%-ға өсті.
• Реактивті отын бағасы қарашада шикі мұнай бағасының төмендегеніне қарамастан 5,9%-ға қымбаттады. Бұған мұнай өңдеу зауыттарындағы іркілістер, Ресейден алынатын өнімдерге ЕО шектеулері және резервтік өңдеу қуаттарының аздығы себеп болды, нәтижесінде спредтер өткен жылмен салыстырғанда екі есеге жуық артты.
• Жаһандық өндірістік көңіл-күй қарашада жақсара түсті: PMI төртінші ай қатарынан өсіп, 51,17-ге жетті. Жаңа экспорттық тапсырыстар 49,87 деңгейіне сәл көтерілді, алайда 50 балдық өсім шегінен төмен қалып отыр. Бұл тарифтік белгісіздік аясындағы сақтықтың жалғасып жатқанын көрсетеді.