Ажал құшқандардың 13-і әйел болса, 9-ы бүлдіршін екен.
Үндістанда танымал актерды көруге жиналған жұрт тапталып қаза тапты. 40-қа тарта тұрғын жанкүйерлердің арасында қысылып қалып, мерт болған. Ал түрлі деңгейде жарақат алған 100 шақты адам ауруханада жатыр, деп хабарлады 31 арнаның Информбюро ақпараттық бағдарламасы.
Қайғылы оқиға кино жұлдыз, әрі саясаткер Виджайдың сайлауалды науқаны аясында өткен қоғамдық кездесу кезінде болған. Актердің сөзін тыңдауға 30 мыңға жуық адам жиналып, алаң адамға лық толды.
Видеодан жанкүйерлердің үгіт-насихат көлігін қаумалап тұрғаны көрінеді. Осы сәтте топ арасындағы бірнеше адам құлап, арты қайғылы жағдайға ұласты. Ажал құшқандардың 13-і әйел болса, 9-ы бүлдіршін екен.