Қазақстанда банкаралық QR-төлемдер сервисі іске қосылды.
Ұлттық банк үш банкпен бірлесіп жаңа банкаралық QR-төлемдер сервисін іске қосты, деп хабарлайды банктің баспасөз қызметі.
Жүйе банктердің мобильді қосымшалары арқылы тауарлар мен қызметтерге төлем жасауға мүмкіндік береді.
30 қыркүйектен бастап сервис үш банктің клиенттеріне қолжетімді болды. Төлем жасау үшін сатушының терминалындағы QR-кодты мобильді қосымша арқылы сканерлеп, төлемді растау жеткілікті.
Оқи отырыңыз: Инфляция болжамы жаңартылды: Ұлттық банк базалық мөлшерлемені 16,5% деңгейінде сақтады
Ұлттық банктің мәліметінше, бұл сервис банктер арасындағы өзара іс-қимылды жеңілдетіп, төлем қызметтерінің қолжетімділігін арттырады. Алдағы уақытта жүйеге басқа да қаржы ұйымдары кезең-кезеңімен қосылады.