PokStars пен LuckyShark ісі: Алматыда онлайн-құмар ойын ұйымдастырғандар сотталды

6 қараша 2025, 18:34 Жазира Пірімқұл Авторға хат жазу قازاقشا Qaz

Екі жылда 166 адам заңсыз ойын бизнесі үшін сотталды.

Қаржылық мониторинг агенттігі Алматы қаласында PokStars және LuckyShark атты заңсыз онлайн-құмар ойындарын ұйымдастырған тұлғалар тобына қатысты тергеуді аяқтады, деп хабарлайды ҚМА.

Белгілі болғандай, ставкалар банк арқылы қабылданып, ойыншыларға жүйеге кіру үшін логин мен құпиясөз берілген. Қаржылық операциялар туыстары мен үшінші тұлғалардың, соның ішінде шетел азаматтарының атына рәсімделген банк карталары арқылы жүргізілген. Жаңа ойыншыларды тарту үшін әлеуметтік желілерде нысаналы жарнама пайдаланылған.

Сот үкімімен үш адам кінәлі деп танылып, екі жыл алты айдан төрт жыл алты айға дейін бас бостандығынан айырылды. Мемлекет пайдасына 116 миллион теңге көлеміндегі заңсыз табыс пен ZEEKR маркалы автокөлік тәркіленді.

Оқи отырыңыз: Қазақтарға тіл тигізген блогер Алика Мұхамадиева 3,5 жылға сотталды

ҚМА мәліметінше, заңсыз ойын бизнесін анықтау және жою бағытындағы жұмыстар жалғасуда. Кейінгі екі жылда:

105 сотқа дейінгі тергеу тіркелген;
22 жасырын казино мен 65 ойын залы, 441 терминал жойылған;
"Кибербақылау" жүйесі арқылы 33 мыңнан астам онлайн-казино сілтемесі бұғатталған;
166 адам сотталған.

Серіктестер жаңалықтары