Түркия республикасының Анкара қаласында қиратушы жер сілкінісінің салдарын жою кезінде құтқару бөлімшелерін басқарған төтенше ведомстволардың өкілдері марапатталды, деп хабарлады ҚР Төтенше жағдайлар министрлігінің баспасөз қызметі.
Сексеннен астам елдің өкілдері арасында Қазақстаннан төтенше жағдайлар бірінші вице-министрі Ибрагим Күлшімбаев та қатысты, ол жер сілкісіні салдарын жоюға көмек көрсеткені үшін медалімен наградталды. Мемлекеттік награданы Түркия республикасының президенті Режеп Тайып Ердоған табыс етті.
"Марапат үшін алғысымды білдіремін. Бауырлас түрік халқына тағыда көңіл айтамын. Өмірді құтқаруға қатысқан барша халыққа, құтқарушылар мен дипломатиялық корпусқа алғыс. Біз Түркия халқы жақын арада табиғи апаттың салдарын жеңеді деп сенеміз", – деді Ибрагим Күлшімбаев.
Оқи отырыңыз: Түркияда жер сілкінісінен зардап шеккендердің бір тобы баспаналы болды
ҚР ТЖМ мәліметінше, Түркияның үш өңірінде іздестіру-құтқару жұмыстарын жүргізу басталғаннан бері Қазақстан ТЖМ құтқарушыларының күштері 7 адамды құтқарды. Қаза тапқан 88 адамның, оның ішінде 10 баланың денесі шығарылды. Қазақстандық құтқарушылар қолмен, сондай-ақ инженерлік техниканы, авариялық-құтқару жабдықтарын, шанц аспаптарын тарта отырып, 250 мыңнан текше астам метр үйінділерді бөлшектеді.
