Ауыл тұрғындарына арналған микрокредит: 2023 жылға 52 млрд теңге бөлінді

Ауыл шаруашылығы министрлігі ауыл тұрғындарының табысын арттыру мақсатында ауыл тұрғындарына микрокредит беру туралы Үкімет қаулысының жобасын Ашық НҚА порталында жариялады.

2023 жылы ауыл тұрғындарына микрокредит беру үшін республикалық бюджеттен өңірлердің бюджеттеріне жалпы сомасы 52,4 млрд теңге қаражат несие түрінде беріледі.

Еске салайық, Ауыл шаруашылығы министрі Ербол Қарашөкеев 2023 жылдан бастап ауыл халқының табысын арттыру мақсатында қазақстандықтарға микронесие берілетін хабарлаған болатын. Микронесие ауыл шаруашылығы техникасы мен құрылғыларын лизингке алу, кооперативке арналған инвестициялық субсидиялар алуға мүмкіндік береді.

---

Оқи отырыңыз: Жастарға арналған 2,5 пайыздық кредит: Негізгі шарттары белгілі болды

---

Микронесие мерзімі мал шаруашылығына – 5 жылға дейін, ауыл шаруашылығы кооперативтерін құру саласындағы жобалар үшін 7 жылға дейін беріледі. 

"Пилоттық жобаның ауқымын кеңейту үшін 2024 жылы 12 мыңнан астам ауыл тұрғынына 74,6 млрд теңге көлемінде микронесие, ал, 2025 жылы шамамен 76,7 млрд теңге микронесие беру жоспарланып отыр", – деген болатын Ербол Қарашөкеев.