Мемлекет басшысы Конституциялық сот құруды ұсынды

Президент Қасым-Жомарт Тоқаев Қазақстанда конституциялық сот құруды ұсынды. 

"Мен елімізде конституциялық сот құруды ұсынамын. Бас прокурор мен адам құқығы жөніндегі уәкілге де конституциялық сотқа жүгіну мүмкіндігін берген жөн. Бұл бастамалар әділ әрі құқықтық мемлекет құру жолындағы маңызды қадам болады деп сенемін", – деді Қасым-Жомарт Тоқаев. 

---

Оқи отырыңыз: Президент "Қазақстан халқына" қорына ақша аудармаған бизнесмендерге: Бұл ашкөздік пе?

---

Мұнымен қатар, президент өлім жазасының күшін жоюды түпкілікті бекіту үшін конституцияға өзгерістер енгізу керек екенін алға тартты.

---

Оқи отырыңыз: Президент: Банктерді сауықтыруға бөлінген ақша тиімді несие болып қайтуы керек

---

"Бүгінде азаматтар мен қоғамшылдардың әйелдер мен балаларға қатысты зорлық-зомбылық үшін жазаны қатаңдату қажеттігіне қатысты өтініштері жиілеп кетті. Бас прокуратураға осы мәселені жан-жақты зерделеп, оны шешуді тапсырамын", – деді президент.

Әрі қарай ол алқабилердің қатысуымен қаралатын істердің санаттарын кеңейту қажеттілігіне тоқталды.

Еске салсақ, мемлекет басшысы "кабинетін жылдар бойы босатпайтын" шенеуніктермен оңай қоштасу керектігін айтқан еді.