Халықтың несиеге деген сенім индексі 1,3 тармаққа өсіп, шамамен алдыңғы төрт ай деңгейінде қалып отыр. Қазір несие алу үшін қолайлы уақыт деп санайтын қазақстандықтардың үлесі 14,8 пайыздан 16,6 пайызға дейін өсті, деп мәлімдеді FFG компаниясының зерттеушілері.
Депозитке деген сенім деңгейі 35,5 пайыздан 34,1 пайызға дейін сәл төмендеді.
"Тұтынушылық сенім индексі сияқты тыныштық деңгейі де айтарлықтай өсті. Қазақстандықтардың 57,3 пайызы қазіргі уақытты тыныш уақыт деп атап өтті (қазан айында 56,3% құрады). Бұл ретте олардың арасында қазіргі уақытты тыныш уақыт деп нақты жауап берген адамдардың үлесі 32,9 пайыздан 35,8 пайызға дейін елеулі түрде өсті", – делінген зерттеуде.
Оқи отырыңыз: Қазақстан халқының қанша пайызы қазіргі уақытты ірі саудаға қолайлы деп санайды
Жұмыс жоқтығына алаңдаушылық мамыр айынан бері ең төменгі деңгейге жетті – 40,3%. Бір жыл бұрын көрсеткіш 38,3 пайызды құраған еді. Яғни қазақстандықтардың жұмыссыздық өседі деген қорқынышы осы кезеңде күшейе түсті.
