Қазақстанда доллар бағамы 1,3 теңгеге арзандады

Қазақстан қор биржасындағы (KASE) күндізгі сауда-саттық қорытындысы бойынша доллардың орташа бағамы 1,3 теңгеге төмендеп, 447,52 теңге болды.

Ұлттық банктің ресми бағамы – 448,98 теңге.

Kurs.kz мәліметінше, Астананың ақша айырбастау орындарында шетел валюталары мына бағамен саудаланып жатыр:

• Доллар: сатып алу – 445 теңге, сату – 452,06 теңге;
• Еуро: сатып алу – 498 теңге, сату – 508 теңге;
• Рубль: сатып алу – 5,11 теңге, сату – 5,31 теңге.

Алматыда доллар қаншадан сатылып жатыр?

Алматыдағы ақша айырбастау пункттерінде доллар орта есеппен 447,71 теңгеден сатып алынып, 449,44 теңгеден сатылып жатыр.

Еуроның бағамы 500,51–504,80 теңге аралығында. Рубль 5,18–5,29 теңгеден саудаланып жатыр. 

Еске салайық, 10 қараша кешке Алматыда басталған жауын-шашын 12 қарашаға қараған түнге дейін жалғасады.