Қазақстанда доллар бағамы қайта қымбаттады

Қазақстан қор биржасындағы (KASE) күндізгі сауда-саттық қорытындысы бойынша доллар бағамы 0,7 теңгеге өсті. Осылайша, америкалық валютаның орташа бағамы 444,30 теңгені құрады.

Ұлттық банктің ресми бағамы – 443,62 теңге.

Kurs.kz мәліметінше, 13 қарашада Астана қаласындағы ақша айырбастау орындарында:

• доллар 441,99 теңгеден сатып алынып, 448,99 теңгеден сатылып жатыр;
• еуроның сатып алу бағамы – 490 теңге, сату бағамы – 500 теңге;
• рубль 5,15 теңгеден сатып алынып, 5,35 теңгеден сатылуда.

Алматыдағы ақша айырбастау пункттерінде доллардың орташа сатып алу бағамы 444,85 теңге, сату бағамы 446,84 теңге болды. Еуро 492,56–497,44 теңге аралығында саудаланса, рубльдің бағамы 5,17–5,29 теңге аралығында қалыптасты.

Еске салайық, 12 қарашадағы күндізгі сауда-саттық қорытындысы бойынша доллар бағамы 1,2 теңгеге арзандап, 443,62 теңгені құраған еді.