Синоптиктер бірнеше өңірде көктайғақ пен тұман болатынын ескертті

"Қазгидромет" болжамы бойынша, бүгін Солтүстік циклон мен онымен байланысты атмосфералық фронттар Қазақстанның барлық дерлік аумағына жаңбыр мен қар әкеледі. Елдің оңтүстігі мен шығысында жауын-шашын мол түседі. Тек батыстың қиыр шетінде жауын-шашынсыз ауа райы сақталады.

Республика бойынша жел күшейіп, тұман түседі. Солтүстік пен орталықта көктайғақ болуы мүмкін.

Синоптиктердің мәліметінше, бірқатар облыста өрт қаупі де сақталады.

Өрт қаупі жоғары аймақтарға мыналар жатады:

• Атырау облысының батысы;
• Алматы облысының батысы, оңтүстігі мен шығысы;
• Жетісу облысының оңтүстігі мен орталығы;
• Қызылорда облысының солтүстігі;
• Жамбыл облысының солтүстігі, оңтүстігі мен шығысы;
• Абай облысының оңтүстігі.

Ал Қызылорда облысында, Ақтөбе облысының оңтүстігінде және Жетісу облысының шығысында төтенше өрт қаупі жарияланған.