Жаңаөзендегі жарылыс: Баспанасыз қалған 9 отбасы үйлі болды

Жаңаөзен қаласында болған төтенше жағдай салдарынан баспанасыз қалған барлық отбасыға пәтер сатып алынды, деп хабарлады "Қазмұнайгаз" ҰК" АҚ баспасөз қызметі.

9 отбасы үшін үйдегі адам санына қарай екі бөлмелі 2 пәтер, үш бөлмелі 5 және бес бөлмелі 2 пәтер сатып алынған.

---

Оқи отырыңыз: Жаңаөзендегі газ жарылысы: Үйсіз қалғандарға Қазмұнайгаз жаңа пәтер сатып әпереді

---

Сондай-ақ, "ҚазМұнайГаз" ҰК АҚ басқарма төрағасы Мағзұм Мырзағалиев жарылыс салдарынан көз жұмған жандардың отбасына барып, өзінің және компания атынан көңіл айтты.

"Бұл өте ауыр жағдай. Сіздердің қайғыларыңызға ортақпыз, мықты болыңыздар. Бастарыңызға сынақ түскен кезде біз шет қалмай, Президенттің тікелей тапсырмасымен баспанасыз қалған отбасыларға пәтер алып бердік. Осындай сын сағатта сіздер үшін қолымыздан келгенді жасап жатырмыз", – деді ол. 

---

Оқи отырыңыз: Жаңаөзендегі газ жарылысынан қайтыс болғандар саны артты

---

Еске салайық, 17 сәуір күні сағат 05:04-те Жаңаөзен қаласында 12 пәтерлі 2 қабатты тұрғын үйдегі пәтерде жарылыс болды. 4 адам көз жұмды.