Шымкентте арақ жасайтын астыртын цех жойылды

ҚР Қаржылық мониторинг агенттігінің Шымкент қаласы бойынша аумақтық департаменті контрафактілік алкоголь өнімін өндіретін астыртын цех қызметінің жолын кесті.

Тінту кезінде жалпы саны 3 мың бөтелкеге жуық "Родная степь", "Русская на бруньках", "Тау эксклюзив" контрафактілік алкогольдік өнімдер табылған. Сондай-ақ, 1 мың литр алкоголь, алкогольдік өнімдерді өндіруге арналған аппарат, контрафактілік есепке алу-бақылау маркалары және 20 мыңнан астам бос бөтелкелер табылып, тәркіленді.

Сот үкімімен ұсталған азамат қылмыс жасағаны үшін кінәлі деп танылып, оған 1 531 500 теңге айыппұл салынды. Тәркіленген контрафактілік алкоголь өнімі жойылады.

Оқи отырыңыз: Арақсыз өмірге көшкен ауыл тұрғындары ішімдіктен бас тартуға шақырады