Мектеп директоры болуға үміткерлерге арналған тестілеу 28 қазанда өтеді

Ұлттық тестілеу орталығының хабарлауынша, 28 қазанда білім беру ұйымдарының басшыларын лауазымға конкурстық негізде тағайындау үшін тестілеу өтеді.

Үміткерлер оған қатысу үшін 26-27 қазан аралығында app.testcenter.kz сайтында өтініш беруі қажет. 

Тестілеу 6 блоктан тұрады:

• ҚР Еңбек кодексі – 10 тапсырма, шекті балл – 5 балл;
• ҚР "Білім туралы" Заңы – 10 тапсырма, шекті балл – 5 балл;
• ҚР "Сыбайлас жемқорлыққа қарсы іс-қимыл туралы" Заңы – 10 тапсырма, шекті балл – 5 балл;
• ҚР "Педагог мәртебесі туралы" Заңы – 10 тапсырма, шекті балл – 5 балл;
• ҚР Оқу-ағарту министрінің 2022 жылғы 3 тамыздағы № 348 бұйрығы – 4 тапсырма, шекті балл – 2 балл;
• ҚР Оқу-ағарту министрінің 2022 жылғы 31 тамыздағы № 385 бұйрығы – 4 тапсырма, шекті балл – 2 балл.

Айта кетейік, тестілеуге қатысу ақылы, оның құны – 9403 теңге.