+10…+20°
+8…+16°
Мемлекет басшысы Қасым-Жомарт Тоқаевтың өкімдерімен Асқар Омаров ҚР Президенті жанындағы Орталық коммуникациялар қызметінің директоры лауазымынан босатылып, оның орнына Қанат Құлшыманов тағайындалды. Бұл туралы Ақорданың баспасөз қызметі хабарлады.
Сондай-ақ, президент өкімімен Евгений Кочетов ҚР Президенті әкімшілігінің Коммуникациялар бөлімінің меңгерушісі болды. Бұл қызметті оған дейін Қанат Құлшыманов атқарды.
Қанат Құлшыманов Л. Гумилев атындағы ЕҰУ-ды журналистика мамандығы бойынша тәмамдаған. PhD докторы ғылыми дәрежесі бар.
Еңбек жолын 2007 жылы "Қазақпарат" ақпарат агенттігінің тілшісі болып бастады. Әр жылдары Ақтөбе облысы әкімінің баспасөз хатшысы, Еңбек және халықты әлеуметтік қорғау министрлігінің қоғаммен байланыс департаментінің директоры, Жамбыл облысының әкімі аппараты басшысының орынбасары болып жұмыс істеді.
"ҚазМұнайГаз" ҰК" АҚ баспасөз қызметінің басшысы, ҚР премьер-министрінің баспасөз қызметі жетекшісі болды.
Ермек Көшербаев Қазақстанның Аустриядағы елшісі болып тағайындалды
Татьяна Савельева қорғаныс министрінің орынбасары болып тағайындалды