Астанада жол жөндеуіне байланысты көлік қозғалысы уақытша өзгереді.
Астанада "Астана – Қарағанды" тасжолының бір бөлігінде көлік қозғалысының сызбасы уақытша өзгереді. Бұл туралы қала әкімдігі хабарлады.
Әкімдік мәліметінше, 29 шілде мен 12 тамыз аралығында Қобда тұйығынан А-135 көшесіне дейінгі аралықта жолдың үстіңгі қабатын төсеу жұмыстары жүргізіледі.
"Осыған байланысты аталған учаскеде көлік қозғалысына уақытша ішінара шектеу қойылады. Алайда жол толық жабылмайды – автокөліктер жолдың бір жағымен қатынай береді", – делінген хабарламада.
Фото: Астана әкімдігі
Қала әкімдігі жүргізушілер мен жаяу жүргіншілерге бағыттарын алдын ала жоспарлап, уақытша өзгерістерді ескеруге кеңес берді. Қауіпсіздікті қамтамасыз ету мақсатында жөндеу жүргізілетін аумақта қажетті жол белгілері мен бағыттаушы құралдар орнатылады.
Для возможности отправлять комментарии и оформить подписку вам необходимо подтвердить ваш адрес электронной почты.
Письмо с ссылкой для подтверждения было отправлено на .
Пожалуйста, проверьте свою папку "Входящие" или "Спам".
