Қазақстанға білім алуға келген қандас балаларды бейімдеу орталықтарын ашу жоспарланып отыр. Бұл туралы "Отандастар қоры" КеАҚ баспасөз қызметі хабарлады.
Қор басшысы Абзал Сапарбекұлы мен оқу-ағарту министрі Ғани Бейсембаевтың кездесуінде Өзбекстан, Моңғолия сияқты қазақтар көп шоғырланған мемлекеттердегі қазақ мектептерінің қазіргі жағдайы талқыланды. Шетелдегі қазақ мектептеріне қолдау көрсету, қазақ тілді мұғалімдерге біліктілік курстрын өткізу, кітаптар мазмұнын жаңарту сынды өзекті тақырыптар сөз болды.
"Министрлік тарапынан "Онлайн мектеп" ашу жұмысы жүргізіліп, келген қандас балаларға бейімделу орталақтарын ашу мәселесі қарастырылуда екенін жеткізді", – делінген қордың хабарламасында.
Оқи отырыңыз: 2024 жылы қандастар мен қоныс аударушыларға қанша өңірлік квота беріледі
