2027 жылы Рамазан айының алғашқы күні 8 ақпанға сәйкес келеді. Бұл Қазақстан мұсылмандары діни басқармасының 2027 жылға әзірлеген діни күндер кестесінде бекітілген.
Осыған орай, дін мамандары 2026 жылғы не оған дейінгі оразаның қаза күндерін 2027 жылғы 8 ақпанға дейін өтеуге кеңес береді.
Мамандардың түсіндіруінше, Ханафи мәзһабында Рамазан оразасының қазасын өтеу уақыты шектелмеген. Яғни, келесі Рамазан айына дейін немесе одан кейінгі уақытта да өтеуге рұқсат етіледі. Дегенмен, уақытты созбай тезірек өтеген жөн.
Еске салайық, Рамазан айынан кейін оразаның қазасын өтейтін адам күнделікті намаз кестесін негізге алады. Таң намазы кірген уақыт – ауыз бекіту уақыты, сол уақытқа дейін сәресін ішіп-жеуге рұқсат. Ал ақшам намазы уақытының кіруі ауыз ашар уақытын білдіреді.
Қаза оразасының арнайы ниет-дұғасы жоқ. Мәсәлен былай ниет етуіне болады: "Ниет еттім Алла ризалығы үшін осы жылғы Рамазан оразасынан қалған пәлен күндік (мысалы, алты күндік) қаза оразаның бірінші күнін (немесе екінші, үшінші) өтемекке".
ҚМДБ 2027 жылғы діни күндер кестесін бекітті. Ораза 8 ақпаннан басталады
2027 жылы Қазақстаннан қанша адам қажылық сапарға бара алады