Шілдеде құрғақшылық болатын облыстар белгілі болды

Синоптиктер шілдеде құрғақшылық болуы мүмкін облыстарды атады. Дегенмен бұл айда еліміздің көп аумағында ылғал нормаға сай болады. Бұл туралы Қазгидромет хабарлады. 

Орташа құрғақшылық:

• Ақмола облысының Жарқайың ауданында;
• Қостанай облысының Жангелді ауданында;
• Ақтөбе облысының Әйтеке би, Ырғыз аудандарында;
• Қарағанды облысының Шет және Ақтоғай аудандарында;
• Түркістан облысының Қазығұрт, Шардара және Отырар аудандарында болуы мүмкін. 

Қатты құрғақшыл:

• Қызылорда облысының Қармақшы ауданында;
• Қостанай облысының Амангелді ауданында болуы мүмкін.

"Қалыпты ылғалды ауа райы Солтүстік Қазақстан облысының Есіл ауданында, Петропавлда және Батыс Қазақстан облысының Қазталов ауданында болжанады", – делінген хабарламада.