Жамбыл облысындағы ауылдың 300 гектар аумағы картаға енбей қалған

Ауыл тұрғындары үйлерін заңдастыра алмай әлек, ал әкімдік бұл мәселе бұрыннан барын айтады.

Жамбыл облысының Меркі ауданына қарасты Андас батыр ауылының бір бөлігі ел картасына енбей қалған. Ауыл тұрғындары не баспанасын рәсімдей алмай, не жол, ауыз су сияқты инфрақұрылымның игілігін көре алмай отыр, деп хабарлады 31 арнаның Информбюро ақпараттық бағдарламасы.

Қазір ауыл екіге бөлінген. Бірінде қажетті жағдайдың бәрі жасалса, 20-ға жуық үйден тұратын екінші бөлігі өгей баланың күйін кешіп отыр.

"Құжаттың бәрін жинап қойдым, тек мемлекеттік актқа келіп тірелді. Ол жоқ. Себебі, біздің көшеміз Андас батыр ауылына қарамайды", – дейді тұрғындардың бірі Мақсат Жантенов.

Жиырма шақты отбасы осылай үйін заңдастыра алмай отыр.

"Жасым келген адаммын. Үйді балаларға тастап кетсем бе дегенім ғой өз атымнан. Соған шейін үлгерсем бе деймін. Бірақ, ендігі үрейім сол, үлгере алмай қаламын ба деп қорқамын", – дейді тұрғындардың тағы бірі Бейсенбек Қаңтарбаев.

Андас батыр ауылында картаға енбеген жер телімінің көлемі 290 гектарды құрайды. Бұл аумақта салынған үйлерге жол да, көше жарығы да жетпей қалған. Тіпті көршілері ішіп отырған орталықтандырылған ауыз су да бұларға бұйырмаған.


Оқи отырыңыз:


Бұл мәселеден жергілікті билік хабардар. Бірақ, олар Әділет министрлігі ауылдың бұл бөлігін картаға енгізуге асықпай отыр деген уәж айтады.

"Бұл мәселе бүгін ғана көтерілген жоқ. Бұл бойынша жұмыс жасалып жатыр. Өйткені, әр құжаттың мерзімі бар. Әділет басқармасынан Астанадан келісім келгеннен кейін уақыт керек. Біз бір айдың ішінде мәслихат отырысын жасап, құжаттарын реттейміз", – деді Меркі ауданы әкімінің орынбасары Қайрат Арғынбаев.

Читайте новости без рекламы. Скачайте мобильное приложение informburo.kz для iOS или Android.

Поделиться:

 Если вы нашли ошибку в тексте, выделите её мышью и нажмите Ctrl+Enter

 Если вы нашли ошибку в тексте на смартфоне, выделите её и нажмите на кнопку "Сообщить об ошибке"

Серіктестер жаңалықтары