Жастарға арналған 2,5 пайыздық кредит: Негізгі шарттары белгілі болды

Несие 5-7 жылға беріледі. Ең жоғары сомасы – 5 миллион теңге.

Ашық НҚА порталында жарияланған Кәсіпкерлік бастамашылыққа жәрдемдесу жөніндегі шараларды ұйымдастыру және қаржыландыру қағидаларының жаңа нұсқасының жобасы жарияланды. Ереже жастар кәсіпкерлігін дамытуға арналған микрокредит беру тәртібімен толықтырылған.

Жастарға арналған жаңа кредит "Аграрлық несие корпорациясы" АҚ арқылы беріледі. Негізгі шарттары:

  • микрокредит мерзімі – 5 жылға дейін (мал шаруашылығы саласындағы жобалар үшін – 7 жылға дейін);
  • микрокредиттің ең жоғары сомасы – 5 миллион теңгеге дейін;
  • сыйақы мөлшерлемесі – жылдық 2,5 пайыздан аспайды;
  • микрокредит кепілмен қамтамасыз етілуі шарт.

Несие алушыларға микрокредит беру мерзімі ұзақтығының үштен бірінен аспайтын мерзімге жеңілдікті кезең беріледі.

Еңбек және халықты әлеуметтік қорғау министрлігі әзірлеген құжат жобасы 2 желтоқсанға дейін қоғам талқысына ұсынылған.


Оқи отырыңыз: 


Несие беру халықты жұмыспен қамту мәселелері жөніндегі жергілікті атқарушы органдар арқылы жүзеге асырылады. Несие алатын уақытта үміткерлердің жеке кәсіпкер ретінде мемлекеттік тіркелу мерзімі бес жылдан аспаған болуы шарт.

Сондай-ақ, жобада микрокредит беру үшін үміткердің жасы құжаттарды тапсыру сәтінде ескерілетіні жазылған. Алайда, оның тәртібі айқындалмаған.

Бизнес-жобаларды іріктеу жөніндегі конкурстық комиссияның отырысы айына ең кемі бір рет өткізіледі.


Оқи отырыңыз: Пәтер алуға арналған 8 ипотека. Тиімдісі қайсы?


Еске салайық, мемлекет басшысы Қасым-Жомарт Тоқаев 1 қыркүйектегі Жолдауында жастар кәсіпкерлігін дамыту үшін жылдық 2,5% жеңілдікпен микрокредит беру тетігін іске қосуды тапсырған болатын.

Жаңалықты жарнамасыз оқыңыз. iOS және Android жүйесіне арналған informburo.kz мобильді қосымшасын жүктеңіз.

Тарату:

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Біздің Telegram-каналдағы ең көп оқылған жаңалықтар

Серіктестер жаңалықтары