USD:
461.9 / 464.5
EUR:
542.5 / 547.5
RUB:
5.95 / 6.07
Алматыда "Қауіпсіз жол" республикалық жедел алдын алу іс-шарасы басталды, деп хабарлайды Polisia.kz.
Полицияның мәліметінше, қала жолдарында апатты жағдайды тұрақтандыру мақсатында жол-көлік оқиғаларының алдын алу және болдырмау бойынша бірқатар шаралар атқарылды.
Қаладағы жазатайым оқиғалардың жай-күйіне көліктердің баламалы түрлерінің: мопедтер мен электрсамокаттардың танымал болуы әсер етеді.
Талдау бойынша, жыл басынан бері мопедтің қатысуымен 930 жол-көлік оқиғасы тіркелді, соның салдарынан 953 адам зардап шекті, тағы 15 адам қаза болды.
Оқи отырыңыз: Көктайғақ, бұрқасын, жел: Ақмола облысында полиция 700-ден астам көлікке жол бастап жүрді
"Қалада самокаттардың қатысуымен 127 ЖКО болды. 133 адам зардап шекті, абырой болғанда, қаза тапқандар жоқ. Сонымен қатар жыл басынан бері жол қозғалысы ережесін бұзғаны үшін 31 894 мопедист пен 28 мың 762 самокат пайдаланушысы әкімшілік жауапкершілікке тартылды. Мамандандырылған айыппұл тұрағына 1800-ден астам мопед қойылды", – деді Алматы қалалық ПД жергілікті полиция қызметі басқармасы бастығының орынбасары Тимур Ноғайбаев.
