Теміртау қаласының полиция бөліміне жыл басынан бері алаяқ құрбаны болған қала тұрғындарынан өтініштер келіп түсті, деп хабарлайды Polisia.kz.
Өзін сауда ұйымының өкілі етіп таныстырған алаяқ кәсіпкерлердің сеніміне кірген. Кейін олардың атынан 500-700 мың теңге көлемінде несие алған.
Оқи отырыңыз: Жалақы аз, қарыз көп. Қазақстанға кезекті несие рақымшылығы керек пе?
"Барлық факті бойынша Қазақстан Республикасы қылмыстық кодексінің 190-бабы бойынша қылмыстық іс қозғалды. 25 ақпан күні жедел-іздестіру іс-шарасы кезінде криминалдық полиция 35 жастағы күдіктіні ұстады. Күдікті қылмысын мойындап, оның 10 алаяқтық фактісіне қатысы бары анықталды", – делінген хабарламада.
Еске салсақ, Атырауда алаяқтардың 15 қымбат көлікті жалға алып, сатылымға шығарғаны туралы хабарлаған едік. Қазіргі таңда 13 қылмыстық іс тергеліп жатыр. Тағы екі көліктің дерегі айқындалмаған.
