Оқу-ағарту министрі: Біліктілік арттыру курсының үш жыл сайын өткізілуі аттестация мерзіміне әсер етпейді

Педагогтердің аттестациясы бес жылда бір рет болып қалады, деп мәлімдеді Оқу-ағарту министрі Асхат Аймағамбетов Тамыз конференциясының панелдік сессиясында.

"Курстар үш жылда бір рет өткізіледі. Бірақ, бұл аттестация тапсыру да өзгереді деген сөз емес. Себебі, осы жаңалық шыққан кезде пікірлерді оқып, көпшілікті дәл осы апсект толғандыратынын білдім. Ондай жоқ. Үш жылда бір рет курстан өту деген – жағымды жаңалық. Өйткені, біз әрқашан да өзіміздің кәсіби біліктілігімізді дамытып отыруымыз керек. Ол ақысыз, мемлекет тарапынан бәрімізге бірдей мүмкін болса, педагогтер оған, менің ойымша, қуануы керек", – деді Асхат Аймағамбетов.

Алайда Оқу-ағарту министрі бұл жаңалықтың аттестациялауға қатысы жоқ екенін мәлімдеді.

"Бірақ, аттестация сол күйінде, бес жылда бір рет болып қалады. Оның ешқандай бір-біріне қатысы жоқ. Сондықтан бұл мәселені де біле жүргендеріңіз дұрыс деп ойлаймын", – деді Асхат Аймағамбетов.

---

Оқи отырыңыз: Педагогті аттестаттаудың жаңа ережесі: Мұғалімдер неге эссе жазуға қарсы?