Депутат: Ауыл тұрғындары қалада тіркелуге мәжбүр

Мәжілісмен Мәди Елубаевтың айтуынша, ауыл халқының нақты санын ешкім білмейді.

Ауылда нақты тұратын халық пен сол ауылда тіркелген тұрғындар саны сәйкеспейді, көп елді мекендерде айырма 5-6 есеге дейін жетеді, деді мәжіліс депутаты Мәди Елубаев ішкі істер министрі мен стратегиялық жоспарлау және реформалар жөніндегі агенттік төрағасына жолдаған сауалында.

"Шалғайдағы ауылдардың мардымсыз дамуына байланысты азаматтардың қалаларға қоныс аударуы байқалады. Бірақ, олар қалада үй ала алмағандықтан, қалаға жақын маңдағы ауылдарға қоныстанады. Содан әлеуметтік қызметтер алу үшін қалада тіркелуге мәжбүр болады", – дейді депутат.

Депутат ауылда тұратын барлық халықтың онда тіркелуі қажет екенін, ал тіркелмеген халық ол ауылда есепке алынбайтынын айтты. 

"Мысалы, ауылда жалпы алғанда 30-35 мың адам тұрса, ал 5-7 мыңы ғана тіркелген. Өкінішке қарай, бүгінгі күні статистиканы жүргізетін органдар ауылда тұратын халық саны бойынша нақты сандарды бере алмайды", – деді депутат.


Оқи отырыңыз: Президент Үкіметке ауылды дамытудың 5 жылдық жоспарын әзірлеуді тапсырды


Мәди Елубаев прездиенттің ауылды дамыту туралы жарлығына сүйене отырып, оны іске асырудың сапасы мен кейінгі тиімділігі ауыл тұрғындары мен олардың қажеттіліктері туралы деректердің сапасы мен өзектілігімен тікелей байланысты екенін айтты.

"Әйтпесе біз мектептерінде оқушылары үш ауысымнан оқитын немесе 20-30 мың адам саны бар ауылдарда науқастардың тек фельдшерлік-акушерлік пунктке ғана жүгіне алатын ауылдардың санын көбейту қаупін тудырамыз", – деді ол.

Депутаттың айтуынша, елді мекендердегі тұрғындардың нақты санын ескеруге мүмкіндік беретін өзгерістер қажет.


Оқи отырыңыз: Ауылдардағы денсаулық сақтау саласын жақсарту үшін неше жыл қажет?


Депутат бұл үшін Ішкі істер министрлігіне, Цифрлық даму, инновациялар және аэроғарыш өнеркәсібі министрлігіне және Стратегиялық жоспарлау және реформалар агенттігіне бірнеше ұсыныс жасады:

  • тұрғындардың саны мен құрылымының көрсеткіштерін есептеу әдістемесін өзгерту,
  • уақытша тіркеуді қадағалау механизмдерін әзірлеу,
  • республика азаматтарының тіркелуіне және уақытша тіркелуіне қатысты бақылауды арттыру.

Жаңалықты жарнамасыз оқыңыз. iOS және Android жүйесіне арналған informburo.kz мобильді қосымшасын жүктеңіз.

Бөлісу:

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Біздің Telegram-каналдағы ең көп оқылған жаңалықтар

Серіктестер жаңалықтары