Жеке кәсіпкерлік қызметін қалай жабуға болады?

Салық міндеттемелері жоқ жеке кәсіпкерді салық органы тіркеуден шығарады.

  • Жеке кәсіпкер кәсіпкерлік қызметін тоқтату үшін мемлекеттік кірістер органдарына қандай құжаттар ұсыну қажет?
  • Жеке кәсіпкерлердің қайсысы өз қызметін оңайлатылған тәртіппен тоқтата алады?

Бұл сұрақтарға Қаржы министрлігі Мемлекеттік кірістер комитеті жауаптар ұсынды. 

Орындалмаған салық міндеттемелері болмаса, жеке кәсіпкерді тіркеуден шығаруды салық органы жүзеге асырады. Жеке кәсіпкер қызметін тоқтату туралы шешім қабылдаған кезде бір уақытта орналасқан жері бойынша салық органына мыналарды тапсырады:

  • қызметті тоқтату туралы салықтық өтініш;
  • қызметтің жекелеген түрлерін жүзеге асыратын салық төлеуші ​​ретінде қызметтің басталғаны немесе тоқтатылғаны туралы хабарлама;
  • тарату туралы салық есептілігі;
  • бақылау-касса машинасын есептен шығару туралы салықтық өтініш (егер ол болса).

Оқи отырыңыз: Кәсіп ашқыңыз келсе... Шағын несиеге қалай қол жеткізуге болады?


Жеке кәсіпкерлікті оңайлатылған тәртіпте жабу

Жеке кәсіпкерлердің жекелеген санаттарының қызметін оңайлатылған тәртіппен тоқтату камералдық бақылаусыз жүзеге асырылады.

Оңайлатылған тәртіппен қызметті тоқтату үшін жеке кәсіпкер келесі шарттарға сәйкес келуі керек:

  • ҚҚС төлеуші ​​ретінде тіркеуде тұрмайтын;
  • бірлескен кәсіпкерлік түріндегі қызметті жүзеге асырмайтын;
  • қызметтің жекелеген түрлерін (бензин (авиациялықты қоспағанда), дизель отынын өндіру, бензинді (авиациялықты қоспағанда), дизель отынын көтерме және (немесе) бөлшек саудада өткізу, этил спиртін және (немесе) алкоголь өнімін өндіру, алкоголь өнімдерін көтерме және (немесе) бөлшек саудада сату, темекі өнімдерін өндіру және (немесе) көтерме саудада өткізу, ойын бизнесі, тауарлардың электрондық саудасы).
  • салықтық тексерулер жоспарында немесе тәуекелдерді бағалау жүйесінің іс-шараларының нәтижелері бойынша іріктелген салық тексерулерінің тізімінде болмаған немесе тәуекел дәрежесін бағалау негізінде ерекше тәртіпте жүргізілетін салықтық тексерулердің жартыжылдық кестесінде болмаған;
  • салықтар мен әлеуметтік төлемдер бойынша қарыздары болмаған;
  • тәуекелдерді басқару жүйесінде тәуекелдердің жоғары деңгейі жоқ.

Оқи отырыңыз: Өз бизнесімді ашқым келеді. Кәсіпті көк тиынсыз қалай бастауға болады?


Бірінші әдіс

Қызметті тоқтату туралы шешім қабылданған жағдайда, жеке кәсіпкер бір уақытта өзінің орналасқан жері бойынша мемлекеттік кірістер органына мына құжаттарды тапсыруы керек:

  • қызметті тоқтату туралы салықтық өтініш;
  • тарату туралы салық есептілігі;
  • бақылау-касса машинасын есептен шығару туралы салықтық өтініш (бар болса).

Сондай-ақ, қызметті тоқтату туралы салықтық өтінішті онлайн режимде салық төлеушінің кеңсесі арқылы беруге болады.

Таратуға арналған салық есептілігі қызметін тоқтататын жеке кәсіпкер төлеуші ​​немесе салық агенті болып есептеледі. Бюджетке төлемдер және әлеуметтік төлемдер бойынша толтырылады.Салық есептілігі қызметін тарату туралы өтініш берген салық кезеңінің басынан бастап қызметті тоқтату туралы өтініш берілген күнге дейінгі кезеңге толтырылады.

Осыдан кейін ол жеке кәсіпкер ретінде тіркеуден шығарылады.

 


Оқи отырыңыз: Кәсіп ашқыңыз келсе... Шағын несиеге қалай қол жеткізуге болады?


Екінші әдіс

Егер:

  • патенттің қолданылу мерзімі аяқталған күннен бастап;
  • тоқтата тұру мерзімі аяқталғаннан кейін патент құнының келесі есебі күнтізбелік алпыс күн ішінде ұсынылмаса, онда оңайлатылған тәртіппен салық органы патент бойынша жұмыс істейтін дара кәсіпкерлердің қызметін тоқтатады.

Жеке кәсіпкерлі тіркеуден шығару туралы ақпарат уәкілетті органның kgd.gov.kz интернет-ресурсында "Электронды сервистер / салық төлеушілерді іздеу" бөлімінде, сондай-ақ "E-Salyq Азамат" мобильді қосымшасында осындай салық төлеушілер есептен шығарылған күннен бастап үш жұмыс күні ішінде орналастырылады.

Поделиться:

informburo.kz в Instagram:

следите за самыми важными новостями в ленте и в сториз

Если вы нашли ошибку в тексте, выделите ее мышью и нажмите Ctrl+Enter

Серіктестер жаңалықтары