UFC президенті: Хабиб Нурмагомедов спорттық мансабын ресми түрде аяқтады

Абсолютті жекпе-жек чемпионатының (UFC) чемпионы Хабиб Нурмагомедов өзінің спорттық мансабын ресми түрде аяқтады. Бұл туралы UFC президенті Дэйна Уайт хабарлады.

"Ол 100% ресми түрде мансабын аяқтады. Сенің қалай жұмыс істейтініңе қараудың өзі керемет еді, бәрі үшін рахмет, досым", – деп жазды Уайт. 

29-0 it is.

He is 💯 officially retired. It was incredible to watch you work @TeamKhabib thank you for EVERYTHING and enjoy whatever is next my friend. pic.twitter.com/QeoSP12zw2

— danawhite (@danawhite) March 19, 2021

Хабиб Нурмагомедов 2020 жылы қазанда америкалық Джастин Гэтжиді жеңгеннен кейін өзінің мансабын аяқтайтынын хабарлаған болатын. Бұл шешімін ол анасына берген уәдесімен түсіндірді.

32 жастағы Хабиб аралас жекпе-жекте 29 рет ұрысқа түсіп, бәрін жеңіспен аяқтаған. UFC бойынша оның жеңістерінің саны 13.