Бұдан былай Қазақстанда жүргізуші куәлігіне емтиханды автомектепті бітіргеннен кейін ғана тапсыруға болады, деп хабарлады «Азаматтарға арналған үкімет».
"А, В, А1 және В1 санаттары бойынша куәлік алуға үміткер жүргізуші кандидаттарын өздігінен оқытуға мүмкіндік беретін тармақтар емтихан тапсыру және жүргізуші куәлігін беру қағидаларынан алынып тасталды", – деп жазылған хабарламада.
Сонымен қатар, көлік құралдарын тіркеу кезінде олардың сатып алу-сату шарттарын нотариалды куәландыру қажет. Мемлекеттік қызмет көрсетудің ашықтығын қамтамасыз ету үшін мәміленің жазбаша нысаны жойылады. Балама нұсқасы – банктік қосымшалар арқылы автокөлікті онлайн түрде қайта тіркеу.
"Инновациялар әкімшілік процестердің тиімділігін арттыру және жол қозғалысы қауіпсіздігінің жоғары деңгейін қамтамасыз ету үшін қажет", – деп атап өтті мемлекеттік корпорация.
Оқи отырыңыз: Такси жүргізушілері жолаушылардан қолма-қол ақы талап ете бастады
Түзетулерді Әкімшілік полиция комитеті әзірледі. Заң күшіне енгенге дейін олар қоғамдық талқылаудан өтіп, сыбайлас жемқорлыққа қарсы сараптамадан өтті, деп атап өтті мемлекеттік корпорация.
