Бұрынғы оқу-ағарту министрі Асхат Аймағамбетов Астанадағы Нәрікбаев атындағы KAZGUU университетінде дәріс оқиды. Бұл туралы университеттің баспасөз қызметі хабарлады.
"Асхат Аймағамбетов біздің студенттерімізге өз тәжірибесімен бөлісіп, тұлға болып қалыптасуына үлкен септігін тигізетініне сенімдіміз", – деп жазылған хабарламада.
Оқи отырыңыз: Экс-министр Асхат Аймағамбетов 3 жылда білім саласын қалай жаңғыртты?
Еске салайық, Асхат Аймағамбетов 2019-2022 жылдары білім және ғылым министрі, 2022-2023 жылдары оқу-ағарту министрі болып қызмет етті.
"Түрлі ұсыныстар бар, тиісті жоспарларым бар екенін де жасырмаймын. Сұхбатта да айттым. Ол туралы нақты бір-екі күнде белгілі болады. Бірақ оқытушылық жұмысты қандай қызмет болса да бірге алып жүруге болады, сондықтан ағартушылық еңбегімді осылай бірге алып жүріп жалғастырамын" – деген еді Асхат Аймағамбетов Нартай Аралбайұлына берген сұхбатында.
