Зейнетақы – мемлекет тарапынан зейнеткерлік жасқа жеткен адамға заңнамада көрсетілген нормаға сай тұрақты берілетін төлемақы. Бұл әлем елдерінде қолданылынып жүрген әлеуметтік қамсыздандырудың бір түрі болып саналады. Бұған көпшілік ғалымдар рұқсат берген.
"Зейнетақы қорында жиналған ақшадан зекет беру мәселесіне келсек, салымшының жинақталған қаражатты толықтай қолдана алуына немесе пайдалана алмауына байланысты үкімі өзгереді. Егер салымшы зейнетақы қорындағы жинақталған ақшасын қалаған уақытта қолдана алса, оны өзінің мүлкіне қосып, зекетін береді", – деп жазылған ҚМДБ хабарламасында.
Ал зейнетақы жинағынан қаражатты зейнеткерлік жасқа жеткенде ғана алу мүмкіндігі болса, бұған қатысты ғалымдардың арасында үш түрлі көзқарас бар:
- Зейнетақы жинағындағы қаражат нисаб мөлшеріне жетсе, яғни зекет парыз болатындай мөлшерге жетсе, оны алу мүмкіндігі болмаса да әр жылы одан зекет беріледі. Өйткені, бұл "мүлікті толық иелену" әрі "қайтарылу мүмкіндігі жоғары қарыз" үкіміне кіреді. Егер зекеттің шарттары толық болып, қарызы немесе басқа да зекет беруге кедергілер орын алмаса, зекет беріледі, – деген.
- Зейнетақы қорында жиналған ақшадан зекет берілмейді. Тек жинақталған ақшасын толық қолына алып, ол қаражаты нисаб мөлшеріне жетсе әрі бір жыл айналса ғана одан зекет беріледі.
- Зейнетақы қорында жиналған ақшаны қолына алмайынша зекет берілмейді. Ислам фиқһ академиясының Дубай қаласында өткен 16-отырысындағы №143 қарарында: "Қызметкер жұмыс мерзімі аяқталып, зейнетке шыққанға дейін зейнетақы қорында жиналған ақшасынан зекет беруі міндетті емес. Өйткені мүлікті толық иелену шарты амалға аспайды. Ал мүлікті толық иелену – зекеттің негізгі шарттарының бірі. Егер зейнетақы қорындағы ақшаның бәрін немесе бір бөлігін алса, оны қолындағы дүниесіне қосып, зекетін береді", – делінген.
Оқи отырыңыз:
- Трамадол дәрісін пайдалану харам ба? ҚМДБ үкімі
- Мәйітті донор ретінде пайдалану. ДСМ мен ҚМДБ ұстанымы қандай?
ҚМДБ Ғұламалар кеңесі осыған сүйене отырып үкім шығарған.
"Зейнетақы қорында жиналған ақша нисаб мөлшеріне жетіп, бірақ оны алу мүмкіндігі болмаса, одан зекет беру міндеттелмейді. "Егер зейнетақы қорындағы ақшаның бәрін немесе бір бөлігін алуға мүмкіндігі болса, оны қолындағы дүниесіне қосып, зекетін береді", – деп жазылған үкімде.
