Тоқаев пен Назарбаев ел азаматтарын Ораза айтымен құттықтады

Ораза айты үш күн мерекеленеді.

Қазақстан Президенті Қасым-Жомарт Тоқаев барша мұсылмандарды қасиетті Ораза айтымен құттықтады

"Баршаңызды Ораза айт мерекесімен шын жүректен құттықтаймын! Рухани тазару мен жаңаруға жол ашатын осы қасиетті мейрам күллі мұсылман қауымы үшін айрықша маңызды. Рамазан айына жалғасқан бұл жарқын мереке қастерлі дініміздегі мейірім мен шапағат, жанашырлық пен қамқорлық сияқты асыл құндылықтарды дәріптейді. Ораза айт әр адамның жүрегіне иман нұрын сеуіп, ізгілікке үндейді, жұртты жақсылыққа жетелеп, қоғамды игі істерге жұмылдырады. Сол арқылы халқымыздың береке-бірлігін нығайтып, ырыс-ынтымағын арттырады" – деді Қасым-Жомарт Тоқаев. 

Қасиетті мерекемен, сондай-ақ, Елбасы Нұрсұлтан Назарбаев та құттықтады

"Ораза айт – бейбітшілік пен бірлікке үндейтін исламның сан ғасырлық қастерлі дәстүрлерінің символы. Мейірімділік, рухани тазару, ізгі істер жасау – барлық ұлт пен дін өкілдеріне тән қасиет. Қазақстан халқын осы құндылықтар ұйыстырады. Сондықтан да Ораза айт шын мәнісінде барша қазақстандықтарды біріктіретін мереке болып саналады. Өзара сыйластық пен келісімге негізделген осы игі дәстүрлерді барынша нығайта беруге шақырамын" – деді Нұрсұлтан Назарбаев.


Оқи отырыңыз: 


 

Оқи отырыңыз

Серіктестер жаңалықтары