Оразаға қатысты сұрақтарға жауап беретін жедел желі іске қосылды

ҚМДБ жанынан жамағаттың сұрақтарына тәулік бойы жауап беретін жедел желі жұмысын бастады, деп мәлімдеді бас мүфти Наурызбай қажы Тағанұлы.

"Оразаға, жалпы діни мәселеге байланысты қандай да бір сұрақтарыңыз болса, ҚМДБ жанындағы діни ақпарат беру орталығы ашылғанын қаперлеріңізге саламыз. Жамағаттың сұрағына дер кезінде жауап беретін орталық нөмірі – 33-30-30. Орталыққа астана коды арқылы телефон шалуға болады", – деді Наурызбай қажы Тағанұлы.

Дін саласы мамандары аталған нөмірге хабарласқан азаматтарға тәулік бойы, екі тілде қызмет көрсетеді.

---

Оқи отырыңыз: 

• 2022 жылы Рамазан айы 2 сәуірде басталады. Ораза кестесін ұсынамыз 
• 2022 жылғы ораза кестесі: Қазақстан қалалары мен елді мекендері
• Ауыз берік кезде вакцина салдыру оразаны бұзбайды

---

Мұнымен қатар, ҚМДБ төрағасының орынбасары, наиб мүфти Ершат Оңғар екпе салдырудың оразаны бұзбайтынын айтты.

"Әдетте құрамында қоректік заты бар ине салдыруға тыйым салынады. Ал вакцина секілді емдік қасиеті бар инелерді қабылдауға болады. Олар Оразаны бұзбайды", – деді Ершат Оңғар.