Алматыда коронавирустың "британдық", "бразилиялық" штамдарына тән белгілер анықталды

Бұл туралы Денсаулық сақтау министрі Алексей Цой хабарлады.

Министрдің айтуынша, Денсаулық сақтау министрлігі Қазақстан Республикасында коронавирустың айналымдағы өзге де штаммдарына зерттеу жүргізуде. Дүниежүзілік денсаулық сақтау ұйымымен бірлесіп Covid-19 штаммдарын анықтайтын экспресс ПТР-скринингтің жаңа әдістемесі енгізілді.

"2021 жылғы 17 наурызда Ұлттық Қоғамдық денсаулық сақтау орталығы филиалының референс-зертханасы Алматы қаласы бойынша КВИ-мен ауыратын науқастардан алынған зертханалық үлгілерді зерделеді. Зерттеу нәтижелері бойынша "Британдық", "Оңтүстік Африка", "Бразилиялық" штамдарға ұқсас ықтимал мутация анықталды", – деп жазды Алексей Цой. 

Министрдің хабарлауынша, мутацияны және оның осы штаммдардың біріне жататынын нақты растау толық геномдық секвенирлеу аяқталғаннан кейін бір ай ішінде айқындалатын болады.

Н.Ф.Гамалея атындағы эпидемиология және микробиология ғылыми-зерттеу орталығының мәліметтері бойынша қазір Қазақстан Республикасында қолданылатын Гам-КОВИД-Вак (Спутник V) вакцинасының "Британдық" штаммға тиімділігі дәлелденді.

Жаңалықты жарнамасыз оқыңыз. iOS және Android жүйесіне арналған informburo.kz мобильді қосымшасын жүктеңіз.

Тарату:

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Серіктестер жаңалықтары