Air Astana әуе компаниясы ресми сайтында өзге өңірлердің тұрғындарын "Алматы марафонына" қатысуға шақырып, оларға әуе билеттеріне жеңілдіктер ұсынатынын хабарлады. Яғни, тұрғындар марафонға тіркеліп, Алматыға келу үшін эконом және бизнес-класс билеттерін 15 пайыздық жеңілдікпен ала алады.
"Марафонға тіркелген қатысушылар үшін Air Astana арнайы ұсынысты дайындады: Қазақстан қалаларынан және халықаралық бағыттардан Алматыға ұшатын рейстер үшін эконом- және бизнес-класс бағаларына 15%-дық жеңілдік" делінген компанияның ресми сайтында.
Жарыс Алматының қаланың басты көрікті жерлерінен, соның ішінде Тұңғыш Президент саябағынан, Алматы қаласының іскери орталығынан және Орталық стадионнан өтеді. Марафонға тіркелу үшін Air Astana сайтындағы форманы толтыру қажет.
Оқи отырыңыз:
- Қазақстанда арзан әуе билеттерін қалай сатып алуға болады?
- Әуе билетінің бағасы неге жиі құбылады? Ұшақ жолаушылары тағы нені білуі тиіс?
