Наурыз мейрамы күндері Түркістанда ауыл шаруашылығына арналған халықаралық көрме өтеді

20-22 наурыз аралығында Түркістанда алғаш рет KazAgro/KazFood Turkistan2023 халықаралық сауда көрме-жәрмеңкесі өтеді, деп хабарлады Ауыл шаруашылығы министрлігі.

Көрме-жәрмеңкенің мақсаты – ауыл шаруашылығы және тамақ өнеркәсібінің өнімдері мен қызметтерін көрсету, сондай-ақ сату. Шараға Ресей, Өзбекстан, Қытай, Түркия, Нидерландтар және өзге елдердің өкілдері келеді деп жоспарланған.

"Көрме-жәрмеңкенің іскерлік бағдарламасы ауыл шаруашылығы мен тамақ өнеркәсібін дамыту саласындағы жаһандық тақырыптарға арналған панельдік сессияларды қамтиды. "KazAgro/KazFood Turkistan2023"-те отандық тауар өндірушілер мен сауда объектілерінің тікелей өзара іс-қимылына бағытталған "Қазақстанда жасалған" (Made in KZ) жалпыұлттық жобасы ұсынылады, ол  жергілікті нарықта заманауи және сапалы отандық өнімді жан-жақты қолдауға көмек" делінген министрліктің хабарламасында.

Оқи отырыңыз: Қазақстанда қайтарылған ауыл шаруашылығы жерлерінің интерактивті картасы іске қосылды

Көрме-жәрмеңке болатын күндері нарық бүкіл бизнес-қауымдастықтың жемісті қарым-қатынасына, отандық және шетелдік компаниялар, салалық одақтар мен қауымдастықтар, тәжірибелі сарапшы-практиктер мен мемлекеттік құрылымдардың өкілдерінің арасындағы сындарлы диалогқа толы болады деп күтіліп отыр.