"Астана-Теплотранзит" қызметтеріне уақытша өтемдік тариф осы жылдың 1 сәуірінен бастап күшіне енеді. Бұл туралы ҚР Ұлттық экономика министрлігі Табиғи монополияларды реттеу комитетінің Астана қаласы бойынша департаменті хабарлады.
Кәсіпорын негізсіз алынған кірісті, сондай-ақ тарифтік сметаны заңсыз пайдалануды анықтағандықтан, қалада уақытша өтемдік тариф енгізілген.
"Тұтынушылар жаңартылған сома жазылған түбіртектерді мамыр айында көреді. Жылыту маусымы сәуірде аяқталады, ал жаңасы 2024 жылдың қазанында басталады. Содан кейін төмендетілген тариф те қолданылады", – деп жазылған хабарламада.
Оқи отырыңыз: Қазақстандағы қоқыс шығару тарифі қандай?
Тұтынушыларға барлығы 3 149 711 000 теңге қайтарылады. Соңғы тұтынушы үшін жылу тарифі 8% төмендейді.
