Қазақстандағы қоқыс шығару тарифі қандай?

2023 жылғы маусымда Қазақстан бойынша қоқыс шығарудың орташа тарифы 403 теңге (бір адамға) болды. Бұл туралы Ұлттық статистика бюросы хабарлады. 

Былтырғы маусым айымен салыстырғанда тариф 31%-ке қымбаттады. 

"Ең жоғары тариф Алматыда – 553 тг, Ақтауда – 504 тг (2022 жылғы маусым – 250 тг.), Оралда – 496 тг (2022 жылғы маусым – 286 тг.) қалаларында тіркелді. Қоқыс шығарудың ең төмен бағасы Тараз қаласында – 94 тг, онда тариф былтырдан бері өзгермеген", – делінген хабарламада.