Ақтау гарнизонында оқу-жаттығу кезінде әскери қызметшілердің қаза болуына байланысты қылмыстық іс қозғалып, тергеу басталды.
Бас прокуратураның мәліметінше, қайғылы оқиғаның мән-жайын анықтау үшін жедел-тергеу тобы құрылды. Қазір оқиға орнында Ішкі істер министрлігі, Төтенше жағдайлар министрлігі және прокуратура органдарының қызметкерлері жұмыс істеп жатыр. Қажет сот сараптамалары тағайындалды. Тергеу барысы ерекше бақылауға алынған.
Еске салайық, 24 қыркүйекте Қорғаныс министрлігі Маңғыстау облысында оқу-жаттығу кезінде 19 қазақстандық әскери қызметшіні Каспий теңізінің ағысы алып кеткенін хабарлаған болатын. Оқиға салдарынан тоғыз әскери қызметші қаза тапты. Қалған әскери қызметшілерді іздестіру-құтқару жұмыстары жүргізіліп жатыр.
Қылмыстық іс аясында оқиғаның барлық мән-жайы анықталады.