11 ақпан күні Италияның Милан және Кортина-д’Ампеццо қалаларында өтіп жатқан XXV қысқы олимпиада ойындарының бесінші жарыс күні басталды.
Бүгін Қазақстан құрамасының жеті спортшысы үш спорт түрі бойынша сынға түседі.
Алғаш болып 14:00-де шаңғы қоссайысынан Шыңғыс Рақпаров қалыпты тұғыр бағдарламасында өнер көрсетеді. Ол 17:45-те шаңғы жарысында да жарыс жолына шығады.
15:00-де фристайл-могулдан әйелдер арасындағы екінші іріктеу кезеңі өтеді. Бұл сында Юлия Галышева, Анастасия Городко және Аяулым Әмренова бақ сынайды.
18:15-те биатлоннан әйелдер арасындағы жекелей жарыста Айша Ракишева мен Милана Генева ел намысын қорғайды.
Сондай-ақ 18:15-те фристайл-могулдан финалдық кезең өтеді. Қазақстандық спортшылар іріктеуден сәтті өткен жағдайда жүлде үшін таласады.