Алдағы күндері елорданың қоғамдық көлігінің жылжымалы құрамы 18 метрлік жаңа 40 автобуспен толықтырылады.
Автобустардың бірінші легі 21 наурызда жеткізіледі. Бұл туралы CTS хабарлады.
Сәуір айында ресімдеу, қабылдау, жабдықты орнату, жүйеде тіркеу, жүргізушілерді бекіту рәсімдерінен өткеннен кейін автобустар қала бағдарларына қосылады.
Қоғамдық көлік жұмысын жақсарту бойынша жұмыстар ары қарай да жалғасады.
бұған дейін Астанадағы №15, 15А маршруттарда автобустар саны 2 бірлікке (19-дан 21-ге дейін) ұлғайтылатынын хабарладық.
"Сондай-ақ, 1 ақпаннан бастап №15а маршрутының қозғалыс сызбасы "Қалалық фтизиопульмонология орталығы" және "Қалалық инфекциялық орталық" аялдамаларына дейін ұзартылады", – деп жазылған хабарламада.
Оқи отырыңыз: Қазақстанда тіркелген көлік құралдарының жалпы саны 5 миллионнан асты
