Мәйіт қызметтік иттің көмегімен табылды.
Абай облысында өрт кезінде жоғалған Долинский орман шаруашылығының тракторшысы Сергей Архиповтың денесі табылды. Бұл туралы облыстық полиция департаментінің баспасөз қызметі хабарлады.
Сергей Архипов Абай облысындағы өртті өшіру үшін бірнеше күн бұрын трактормен шығып, 9 маусымнан бері хабарсыз кеткен. Бүгін оның тракторы иесіз табылған болатын.
"10 маусымда полиция қызметкерлері өрт сөндіру орнынан 50 шақырым жерде із-түссіз жоғалған Архипов Сергей Николаевичтің денесін тапты. Мәйіт қызметтік иттің көмегімен табылды" – делінген хабарламада.
