Түркия президенті Режеп Тайип Ердоған НАТО мүше мемлекеттері басшыларының саммитінен кейінгі баспасөз мәслихатында осындай мәлімдеме жасады, деп хабарлады TRT Haber.
Мемлекет басшысы терроризмге қарсы күресте одақтастар арасындағы ынтымақтастықты нығайту қажеттігін атап өтті.
"Түркия НАТО-ға қауіп төндіретін екі негізгі қауіптің бірі — терроризммен күресте одақтастарынан ниеттестік күтеді. Бұл одақ туралы заңда да талап етілген", – деді ол.
Ердоған Израильдің Палестина халқына қарсы үздіксіз агрессиясына назар аударды. Оның айтуынша, Палестинада жан-жақты және тұрақты бейбітшілік орнамайынша Түркия НАТО-ның Израильмен ынтымақтастық бастамаларын мақұлдамайды.
Ердоған Түркияның Шанхай ынтымақтастық ұйымына толық мүше болуды көздеп отырғанын айтты.
"Енді Түркия Шанхай ынтымақтастық ұйымына толық мүше ретінде қосылуы керек. Мен тұрақты мүшелерден осы мәселе бойынша қолдау сұрадым", – деді Түркия көшбасшысы.
