Семей қаласында ауыз су бір күнге өшіріледі, деп хабарлады қалалық әкімдіктің баспасөз қызметі.
"Семей Водоканал" МКК-ны қаланың сумен жабдықтау жүйелерімен су желілерін бір мезгілдік дезинфекциялауға байланысты 2023 жылдың 21 маусымында сағат 20.00-ден 22 маусымның 06.00 сағатына дейін қаланың оң және сол жағалауларында ауыз су беру уақытша тоқтатылатындығын ескертеді", – деп жазылған хабарламада.
Оқи отырыңыз: Қарағанды университеті Семей орманындағы өрттен қаза тапқандардың балаларына 10 грант ұсынды
Көрсетілген мерзім ішінде құбырларда су болған жағдайда да суды пайдалануға қатаң тыйым салынады. Сол себепті әкімдік қала тұрғындарынан, кәсіпорындар мен мекеме басшыларынан өрт сөндіру мен қалыпты жұмыс атқаруға жеткілікті жағдай жасап, тәулікке жететіндей су қорын дайындап алуды өтінді.
