Орталық сайлау комиссиясы Құрылтай депутаттарының сайлауындағы дауыс беру белсенділігі бойынша алғашқы деректерді ұсынды. Сағат 10:00-дегі жағдай бойынша республика бойынша сайлаушылардың қатысымы 17,96 пайызды құрады. Дауыс беруге 2 264 411 сайлаушы қатысты.
Ең жоғары белсенділік Қызылорда облысында тіркелді (22,91%). Ең төменгі көрсеткіш – Алматы қаласында (9,96%). Дауыс беру сағат 20:00-ге дейін жалғасады.
Сайлауды өткізу үшін 10 423 сайлау учаскесі құрылды, оның ішінде 79 учаске Қазақстанның 61 шет мемлекеттегі өкілдіктері жанынан ашылды. Сайлаушылар тізіміне 12 605 788 азамат енгізілді.
23 тамызда қазақстандықтар алғаш рет Құрылтай депутаттарын сайлауда. Жаңа бірпалаталы парламент құрамына партиялық тізім бойынша бес жыл мерзімге сайланатын 145 депутат кіреді.
Оқи отырыңыз: Алматы облысында Жамбыл Жабаевтың отызға жуық ұрпағы Құрылтайда дауыс берді