Білім беру саласы қызметтерінің көлемі бір жылда 9 пайыз өсті

Бұл сектор бойынша Маңғыстау облысында өзге өңірлерден аз қызмет көрсетілді.

2021 жылдың ІІІ тоқсанының нәтижесінде білім беру саласындағы қызметтер құны 278,9 млрд теңгеге жетті. Бұл алдыңғы жылмен салыстырғанда 9,3% көп.

Қызмет көрсету саны жағынан алда келе жатқан өңірлер:

  • Алматы – 101,8 млрд теңгеге, 36,5%;
  • Нұр-Сұлтан – 63,2 млрд теңге;
  • Шымкент – 19,8 млрд теңге.

Оқи отырыңыз: 2022 жылы білім гранты ірі кәсіпкерлер мен кәсіпорындарға да беріледі


Бұл сектор бойынша бәрінен аз Маңғыстау облысында небары 1,3 млрд теңгеге қызмет көрсетілді.

  • ірі компаниялар – 245,9 млрд теңге, бір жылда 10,2% өскен;
  • шағын бизнес – 16,4 млрд теңге, бір жылда 8,7% азайған;
  • орта бизнес – 16,6 млрд теңге, 17,3% көбейген.

Негізінен қызметті жекеменшік кәсіпкерліктер көрсеткен – 177 млрд теңгеге, бір жылда көрсеткіш 53,7% өсті. Ал мемлекеттік кәсіпкерліктердің қызметі керісінше бір жылда 27,6%, 100,1 млрд теңгеге дейін қысқарды. Шетелдік компаниялардың қызметі де 6,2%, 1,8 млрд теңгеге дейін қысқарды.

Еске салсақ, 2022 жылы білім грантының ірі кәсіпкерлер мен кәсіпорындарға да берілетіні туралы хабарлаған едік. Білім және ғылым министрі студенттердің алдын ала жұмыспен қамтылатынын айтты.

Читайте новости без рекламы. Скачайте мобильное приложение informburo.kz для iOS или Android.

Поделиться:

 Если вы нашли ошибку в тексте, выделите ее мышью и нажмите Ctrl+Enter

Серіктестер жаңалықтары