"Фастфудқа құмар". Олжас Бектенов балалардың дұрыс тамақтануын бақылауды тапсырды

ҚР премьер-министрі Олжас Бектенов үкімет отырысында балалар мен жасөспірімдердің дұрыс тамақтануы мәселесін көтерді. Ол фастфуд пен энергетикалық сусындарға тәуелділіктің қауіпті үрдіс екенін атап, қоғам болып қарсы тұру керегін айтты.

Бектеновтің сөзіне қарағанда, балалардың көпшілігі осындай өнімдерге құмар болып, кейде оған тәуелді болып кетеді. Премьер-министр Денсаулық сақтау министрлігіне нақты ұсыныстар енгізуді тапсырды.

Сонымен қатар, "Қазақстан балалары" тұжырымдамасы аясында балалардың құқықтары мен қауіпсіздігін қорғауға бағытталған шаралар қарастырылған. 1 ақпаннан бастап барлық мектептерде "тосыннан кіріп тексеру" қағидаты бойынша ерекше бақылау енгізіледі. Тексерістер балалардың денсаулығы, дұрыс тамақтануы және қауіпсіздігіне қатысты болады.