Полиция капитанының отбасына ІІМ қолдау көрсетеді.
Ішкі істер министрі Ержан Сәденов Түркістан қаласында қызметтік міндетін атқару кезінде қаза тапқан полиция капитаны Бауыржан Қонысбековтың туған-туыстары мен жақындарына көңіл айтты.
"Қызметтік міндеттерін атқару кезінде қаза тапқан Түркістан қаласы полиция басқармасы патрульдік полиция батальонының аға инспекторы полиция капитаны Бауыржан Қонысбековтің туған-туыстары мен жақындарына көңіл айтамын. Ішкі істер министрлігі марқұмның отбасына жан-жақты қолдау көрсетеді", – деді министр.
Министрліктің мәліметінше, ведомство басшылығы қаза тапқан полиция қызметкерінің отбасына заңнамаға сәйкес барлық қажетті әлеуметтік қолдау мен көмектің толық көлемде көрсетілуін қамтамасыз етеді.