Жыл басынан бері 2 300-ден астам әйел "Аңсаған сәби" жобасына қатысты

Жыл басынан бері "Аңсаған сәби" жобасы арқылы 2 миллиард теңгеден астам қаржыға 2 300 әйелге жасанды ұрық салынды. Бұл квоталар тек міндетті әлеуметтік медициналық сақтандыру қоры арқылы қаржыландырылады. Ал қорға тіркелмеген немесе жарна төлемейтіндер үшін экстракорпоралдық ұрықтандыру рәсімі ақылы, деп хабарлады 31-арнаның Информбюро ақпараттық бағдарламасы.

МӘМС арқылы ЭКҰ жасатуға Қазақстанның 18 бен 42 жас аралығындағы әйелдері өтініш бере алады. Алдымен, пациент қызмет көрсететін медициналық ұйымды таңдайды. Кейін жоғары технологиялық медициналық қызметтер комиссиясының қорытындысын алу үшін тіркелген жері бойынша өзінің учаскелік дәрігеріне жүгінеді. Ал дәрігер пациентті бедеуліктен зардап шегетін диспансерлік науқастардың электрондық тізіміне енгізеді. Тиісті тексеруден кейін бедеуліктің себептері анықталған жағдайда, учаскелік дәрігер пациенттің құжаттарын МӘМС есебінен жоғары технологиялық медициналық қызметтер жөніндегі комиссияға жібереді. Соңғы қадам пациентті емдеуге жатқызу бюросы порталында жүргізіледі. Қызмет алудың басталу күні мен уақыты хабарланып, барлық дерек медициналық ақпараттық жүйеге енгізеді.

Материалдың толық нұсқасын төмендегі видеодан көріңіз:

 

 

 

Материалдың толық нұсқасын төмендегі видеодан көріңіз: